TYRION LANNISTER
Nakatitig kami sa kalaban na nahuli namin habang nagtatago kami sa loob ng kuweba na nakita namin ng tatlo kong kasama. Hanggang ngayon ay natutulog pa rin ang kalaban na nahuli namin kaya naghihintay pa rin kami hanggang ngayon na magising siya.
"Tyrion, ano bang balak mong gawin sa kaniya pagkatapos mo siyang tanungin?"
Narinig ko ang boses ni Rhea, pero hindi ako humarap sa direksiyon niya dahil abala ako sa pag-iisip kung ano ba ang susunod kong plano para malaman kung paano ko makikita ang mga kasama ko.
"Ang tagal gumising ng isang 'to. P'wede ba kayo magpalabas ng tubig ngayon? Buhusan n'yo na lang ang isang 'to para magising na siya."
Natigilan ang mga kasamahan ko dahil sa sinabi ko. Hindi ko naman sila masisisi. Ako lang yata ang kauna-unahang tao na ga
