TYRION LANNISTER
Tumakbo ako sa direksiyon ni Rem at pasimpleng hinampas ang kaniyang ulo. Napaluhod siya dahil sa ginawa ko. Akala ko ay bumalik na sa tama ang pagtakbo ng kaniyang isipan subalit muli lang siyang sumugod sa direksiyon ni David. Lumayo na lang ulit ako sa kaniya dahil baka mapatingin pa siya sa direksiyon ko.
Muli akong natamaan ng isang maliit na espada na hinagis ni Rosanna sa direksiyon ko. Napaluhod ulit ako sa lupa dahil sa nangyari. Tsk. Kung patuloy pa kong matatamaan ni Rosanna ay baka maging manhid na ang buong katawan ko at hindi na ko makakilos.
Isang malalim na buntong hininga ang pinakawalan ko. Wala na kong ibang paraan kung hindi gawin ang naisip ko para matalo ang kalaban.
Kinuyom ko ang dalawa kong kamay at pagkatapos ay tumakbo ako sa direksiyon n
