Nanghihina ang katawan ni Mommy habang sinusubuan ko ito ng mainit na sabaw. Maayos na ang kalagayan niya ngayon ngunit kailangan niya pang bumawi sa lakas. Marami ang nawala sa kaniyang dugo at dahil malalim ang natamo niyang sugat ay maingat ang kaniyang mga galaw.
Hindi kami makaalis ng bansa nang mabalita ni Daddy na naghihintay ang Eternity sa lugar kung saan nakahanda ang aming eroplano. Siguro ay natunugan nila kami.
Binaba ang sinasakyan naming helicopter sa aming mansiyon dito sa Batangas. Malawak ito at malaki. Nakapalibot sa buong paligid ang malalagong mga puno. Malayo ito sa mga kabahayan at kailangan pang sumakay ng sasakyan upang makapunta sa mansiyon.
Ngunit hindi ganoon ang seguridad dito. Nangangamba ako, lalo na pagsapit ng dilim. Baka nakasunod agad sa amin ang Et
