Chapter 19
Jopay's POV
"KAIN NA MGA ANAK,"
Masama ang tingin ko kay Livi, habang siya naman ay ngingiti-ngiti padulog ng hapag. Pumaling pa ang ulo niya sa akin sabay kindat.
Hindi ko siya pinansin, bagkus dumiretso na rin ako sa aking kinauupuan sa hapag.
"May LQ ba kayo, kuya? Ate?" Si Nelson sabay papaling-paling ang tingin sa amin.
"Wala!" Pabagsak kong sagot at saka kumuha ng kanin. "Aray! Ano ba?!" Akala ko si Livi ang pumalo ng kamay ko. Pag-angat ng mukha, si nanay na naka-pamewang na sa harapan ko at naka-kunot ang noo.
"Anong pag-uugali 'yang pinapakita mo, Gemmalyn?! Kasama natin sa hapag ang nobyo mo, tapos gumaganyan ka?!"
Kung alam mo lang, nanay ang ginawa ng pyscho na 'yan sa'ki kagabi, sigurado ako na 'di mo na patatapakin ng bahay ang lalaking 'yan.
"It's okay,"
