------
***Zariyah’s POV***
-
“Ano ’yong, Zariyah?” agad na tanong ni David sa akin nang makaalis na si Aiden.
Binawi ko ang nanlilisik kong mga mata kay Aiden na halatang tuwang-tuwa habang papalayo. Pinilit kong pakalmahin ang sarili bago ko ibinaling muli ang tingin kay David. Nakakunot ang noo niya, at malinaw sa ekspresyon ng kanyang mukha ang galit at pagtataka.
“At ano ’yong sinabi niyang mag-asawa? Ipaliwanag mo sa akin ’yon, Zariyah,” madiin niyang sabi, halatang hirap siyang kontrolin ang emosyon.
Gusto ko sanang matapos na ang problema ko tungkol sa marriage contract na hindi ko sinasadyang mapirmahan noon na hindi na malalaman ni David ang tungkol dito. Pero sa ngayon, mukhang wala na akong ibang pagpipilian kundi sabihin sa kanya ang tungkol dito.
“David… may problema ak
