------
***Zariyah’s POV***
-
“Zariyah.” Napalingon ako nang marinig kong may tumawag sa akin. Nakita ko si Carlo na tumatakbo papalapit sa akin. Ilang araw ko na rin siyang hindi nakita. Nalaman ko mula sa mga kaibigan niya na nasa probinsya siya dahil sa pagpanaw ng kanyang lolo.
Malalaki ang mga hakbang niya habang papalapit, at nakangiti naman ako sa kanya. Masaya ako na makita siyang muli. Pakiramdam ko ay muli akong nagkaroon ng kaibigang masasandalan, isang taong puwede kong mapagsabihan ng mga problema ko. Madalas talaga akong nag-o-open up kay Carlo. Maging ang tungkol sa amin ni Aiden ay nagawa ko nang ikwento sa kanya. Wala naman sa intensyon ko na ikwento iyon kahit kanino, ngunit hindi ko talaga napigilan ang sarili ko ng panahon iyon. Pakiramdam ko kasi sobrang down ako n
