GILMARIE POV
Matapos naming mag-usap ni Alphrase ay pinuntahan agad ako ni Ariella para kausapin. Dinala niya ako sa veranda na naroon sa ikatlong palapag. Mukhang alam na nito na walang ibang magiging tao roon kundi kami lang dahil wala kaming ibang kasama sa pwestong iyon. May distansya rin na namagitan sa aming dalawa. Alam ko namang may parte na sa kaniya na hindi kumportableng makausap ako matapos kong malaman ang lahat-lahat.
Wala namang bumasag ng katahimikan na bumabalot sa aming dalawa. Siguro’y kagaya kanina ay pareho kaming walang masabi sa isa’t isa o dahil pareho naming hindi alam kung saan dapat magsimula.
“Paniguradong alam mo na ang nangyari kay kuya,” panimula nito. “Ngayon alam mo na rin kung bakit mas pinili kong lumayo ka sa kaniya kesa manatili ka pa sa tabi niya,
