"Masarap? " Tanong ko kay Zayn nang isubo niya ang adobo na niluto ko. Pinagmasdan ko ang dahan-dahan niyang pagnguya pagkuwa'y tumango-tango.
"Yeah." Wika niya at uminom ng tubig. Napakunot ang noo ko at mataman siyang pinagmasdan. Umupo ako sa harapan niya at nakahalukipkip na tinignan siya.
"Yung totoo? " Mataray kong tanong.
Ngumiti siya at tumango. Lalo akong nainis kaya pinagsingkitan ko siya ng mga mata at hinampas sa braso niya.
"Nakakainis ka talaga! D'yan ka na nga! Ako na lang ang kakain niyan lahat..." Sabi ko pa at padabog na niligpit ang platito at kutsara na ginamit niya.
Lumabas ako sa kuwarto namin at pumunta sa kitchen. Inis kong binato ang plato sa sink at tinignan ang adobo na kasalukuyang nakasalang pa sa lutuan at kumukulo pa.
Nakakainis talaga yung lalaki
