"TALAGA, Ate? Galing ito kay Kuya Khai?"
Nakangiti akong tumango kay Sebastian. "Oo, siya rin ang namili niyan."
Kumislap ang mga mata ng bunsong kapatid ko sa tuwa. Nawala na ang atensiyon niya sa akin at natuon ito sa racing car na hawak niya. Binili ito ni Khai noong araw na sinamahan ko siya sa mall. Todo pa nga ang tanggi ko dahil nang marinig ko sa saleslady ang presyo nito ay nawindang ako. Isang buwan ko nang sahod 'yon! Pero si Khai, ayaw magpaawat. Kaya sa huli, wala akong nagawa kundi ang tanggapin na lang.
Hindi ko maintindihan ang kapatid at si Khai. Minsan lang naman silang nagkita pero parang napaka-close na nila sa isa't isa. Nakakabigla ngang naalala ni Khai ang bunsong kapatid ko at naisipan pang bilhan ng laruan.
"Ang bait talaga ni Kuya Khai, hindi lang gwapo!" tuwa
