KEN’S P.O.V.
Bandang alas-siyete na yata nang maalimpungatan ako dahil naramdaman kong may humahaplos sa buhok ko. Pero sa halip na si Keira ay nagulat pa ako nang mukha ng mommy ko ang nabungaran ko.
“Mommy?” hindi makapaniwalang sambit ko. Baka namamalikmata lang ako ako kaya kinusot-kusot ko pa ang mga mata ko.
Narinig kong tumawa si mommy. “Ako nga `to, Ken. Bumangon ka na riyan at anong oras na. May pupuntahan tayo.”
Pagtalikod ni mommy ay nagsuot ako ng boxer at t-shirt at saka sumunod sa kanya sa kusina kung saan naabutan ko siyang nagtitimpla ng kape. Lumapit ako sa kanya at niyapos siya mula sa likod. “I miss you, mom. Anong oras kang dumating? Akala ko ba next week pa uwi mo?”
“Napaaga nang isang linggo ang uwi ko dahil sa tita Emily mo. Mga 2AM siguro ako nakarating ng NAI
