Oh my oh my God
Yesanghaesseo na
I was really hoping
That he will come through
Malakas na ringing tone ng cellphone ko ang gumising sa akin. Nakapikit na kinapa ko ang ilalim ng unan at napaungol nang hindi ko 'yon matagpuan doon.
Napipilitan akong dumilat at bumangon. Napahawak kaagad ako sa noo ko nang umikot ang paligid ko.
Fucking hangover!
Hinihilot ang sentido na inikot ko ang tingin sa kama at nakita ang cellphone na patuloy pa rin sa pagtunog sa sahig. Dinampot ko 'yon at napakunot ang noo ko nang makita sa caller ID ang pangalan ni Mommy.
Anong oras na ba?
Tumingin ako sa digital clock na nakapatong sa side table at nakitang past 10AM na pala. May pasok ako ngayon, pero alam naman ni Dessa na may get together kami. So, expected na alam niyang ma-la-late ako today. Wal
