Pasado alas dose na nang hatinggabi ngunit hindi pa rin ako makatulog. Nang silipin ko si Noah sa aking tabi ay himbing na himbing na ang pagtulog nito. Tila walang bahid na problema ang kan'yang mukha. Sobrang gwapo parin niya.
Bumangon ako at nagpasyang magtimpla ng gatas sa baba. Baka sakaling makatulog ako kapag uminom ako ng gatas.
Nang matapos magtimpla ay umakyat na kaagad ako at ipinatong ang natimplang gatas sa lamesita sa gilid ng aming kama.
Napadako ang aking paningin sa tokador. Tumayo ako at sinipat ang mga pabangong nakahilera doon ni Noah. Isa-isa kong inamoy ngunit wala akong mahanap na katulad kanina na naamoy ko sa kan'yang damit.
Baka naman nasa opisina niya kaya wala dito. May pagtataka kong tanong sa sarili. Tumayo ako at inabot ang aking gatas at ininom ito. Nang
