PAGMULAT ko ay agad din akong napapikit.
Shit! Ang sakit ng ulo ko! Sobrang sakit na para bang mabibiyak! Ano bang nangyari sa akin? Pilit akong muling nagmulat habang nakahawak sa aking noo.
Ngunit nanlaki ang mga mata ko nang mapansin ko ang kakaibang disenyo ng ilaw sa kisame. Wala namang disenyo iyong ilaw sa kuwarto ko, ah. Basta pabilog lang iyon. Pero iyong ilaw na tinititigan ko ay kakaiba.
Nilingon ko ang buong paligid. Hindi ito ang kuwarto ko. Kaninong kuwarto ito? Nang subukan kong kumilos ay may nasagi akong mabigat sa tabi ko. Halos lumuwa ang mga mata ko nang mapatingin ako sa aking tabi.
Si Rodel! Nakadapa siya sa tabi ko at… wala siyang suot na pantaas. Awtomatikong lumipad ang mga mata ko sa aking sarili. Natatakpan ako ng comforter. Nang itaas ko ito at silipin a
