"Kuya!" Panggugulat ni Danica.
Bigla itong umupo sa tabi ko.
"Oy, si kuya! Kinikilig ka no? Sinong babae ang nagpapangiti sa kuya namin?" Ngiting-ngiti ito.
Bigla naman akong napailing habang nagpapangiti. Kung bakit hindi ko maiwasang alalahanin ang mga nangyari noong kasama ko si Nadz.
Kung paano ito ngumiti sa mismong harapan ko. Ang mga ngiti nito na nagbibigay kulay. At nagbibigay kiliti sa tiyan ko pababa sa puson ko!
Kung paano ko nahawakan ang maliit nitong baywang na nagbigay ng kakaibang pakiramdam sa buong katawan ko.
Kung paano ito tumitig sa mga mata ko. At kung paano mamula ang magandang mukha nito sa lahat ng kabutihang ipinakita ko rito.
Kung sa iba, napakababaw lang noon. Pero sa akin, ang laking bagay na no'n.
"Wala!" tanging sagot ko sa kapatid. Ang kulit pa na
