Lumipas ang mga araw at linggo.
Nakilala ko na rin ang asawa ni Ma'am Elisha na si Sir Diego. Hindi naman ito palakibo, kaya hindi naman ako nakakaramdam ng anumang pagkatakot dito.
Tanging ang dalawang kambal lang talaga ang masusungit at nakakatakot. 'Di ko mapigilan ang manginig sa tuwing tinatawag ako ng mga ito.
Pero laking pasalamat ko naman at 'di sila nananakit.
Si Senorita Danica kasi masyadong matinis kung magsalita at para bang ang arte nito. Palagi rin nakatingin mula ulo hanggang paa. Ni ayaw din nitong madikitan.
Si Senorita Danila naman, napaka-seryoso at ang sungit kung magsalita kahit sa paraan ng tingin. Akala mo nga laging galit.
Pero napapansin ko naman na mababait ang mga ito kapag ang mag-asawa ang kaharap at kausap. Sadyang iba lang siguro ang ugali nito s
