MABILIS ang naging kilos ni Ariyah Lynn. Pinihit niya ang seradura pabukas at mabilis siyang pumasok sa loob ng kuwarto at agad na ni-lock niya ang pinto.
Tutop ang dibdib ng kaniyang kanang kamay na napasandal siya sa dahon ng nakasaradong pinto. Ang lakas ng kalabog ng dibdib niya.
“Who is she Chance?”
Literal na tumigil ang paghinga niya nang marinig niya ang tanong ni ate Beatrice sa asawa niya.
Para siyang hihimatayin sa kaba na ipinikit niya ng mariin ang mga mata.
Hindi kalayuan ang distansya ng silid niya sa main door ng bahay. Sala lang ang nakapagitan kaya rinig na rinig niya ang pag-uusap ng mga ito.
“She is my wife, Beatrice,”
Suminghap siya at mabilis na naimulat ang mga mata. Mas lalong lumakas ang t***k ng puso niya. Hindi niya inaasahan ang sagot na ‘yon ni Chance
