NESTLE
Nakasandal ako sa dibdib ni Duke habang nakaupo kami sa tela habang nakaharap sa dagat at tinitingnan ang paglubog ng araw. Nakapagitan ako sa mga hita niya. Habang siya ay nakayakap sa bewang ko ang isang kamay, ang isa naman ay nakatukod sa buhangin. Pagkatapos kasi ng nakakahiyang bikini show off ko ay pinagbihis na niya ako. Nakakainis nga dahil parang hindi naman siya nagandahan sa katawan ko. Feeling ko tuloy ay niloloko lang niya ako na naaakit siya.
"Mine, bukas nga pala ay aasikasuhin na natin ang kasal. Pinatawag ko na ang planner at designer natin. At magpapakuha na tayo ng prenup photo," sabi niya habang pinaglalaruan ang kamay ko na hawak niya.
"Okay. Pero di ba papasok ka na sa hotel?" tanong ko.
"Hindi na. Ipapaubaya ko na iyon kay Drake, tutal ay pagkatapos ng ka
