Touch

Chapter 20

Chapter 20

“Si Haley?” ani Sofia. Nasa huling burol na sila ng kapatid na si Janet.

“Oo, Sofia may isang witness na tungkol sa serial killer. Kulto

pala ang nga ‘yun. Mga satanista raw na grupo madami naman pinatay pero yung

kapatid ng kaibigan ni haley ay buhay. Tara puntahan natin isasama ko si Lola

Agnes,” saad ni Niel. Hindi naman na nagdalawang isip ang grupo iniwan muna ang

burol si Janet dahil para dito rin naman ang gagawin nila. Naipakulong na ang

librarian na gumahasa rito kaya ang gusto na lang gawin ni Sofia ay makulong

naman ang pumatay dito maging sa iba pang biktima.

“Mabuti at nakarating kayo. Ito ang Mama Rosa ko, ito naman si Fiona kaibigan ko. Ang mama niya na si Aling Tess at anak na si Boyet. Sila naman po sina Lola Agnes tulad ko po ay may kakayahan siya, ito po ang apo niya si Niel, tapos may grupo po sila na mga paranormal sila si Sofia, Bryan, Jaypee at Mark. Si Sofia po ay kasalukuyan may pinagluluksa na biktima rin po ng serial killer. Si Janet ang kapatid niya,” ani Haley.

Matapos magkamayan ang lahat ay naupo upang sandaling magmeryenda. Matapos kumain ay kinuha ni Lola Agnes ang picture ni Connie tulad ng nakita Haley ay sinabi nito ang nakita saka napailing.

“Hindi dapat magtagal ang pagsapi niya dahil nakikita ko na ‘di

magtatagal ay gagawin din sila na alay,” saad ni Lola Agnes. Natakot naman sila

Fiona at ina sa sinabi nito.

“Puntahan po natin sa bahay si Ate Connie baka ano na ang

ginagawa,” ani Fiona. Umiling naman ang matanda.

“Nakita kong umalis siya malamang ay pinatawag ng pinuno nila.

Ang mabuti pa ay doon na tayo sa inyo tumuloy at hintayin siya makauwi mamaya,”

sagot ng matanda.

“Sige po,” tugon ni Fiona.

“Ma, Aling Tess dito po muna kayo sa bahay kasama ni Boyet kami

na lang po ang pupunta,” ani Haley sa ina.

“Sige anak,” wika ni Aling Rosa.

“Maiwan ka na rin Sofia pati ikaw Bryan para may kasama sila

rito,” sabat ni Neil.

“Oo, ako ang bahala,” ani Bryan. Umalis nga sila Lola Agnes,

Niel, Haley, Fiona, Mark at Jaypee pauwi sa bahay nila Connie. Naghintay sila

roon maghapon hanggang sa lumipas na ang gabi upang abangan ito makabalik. Isang

itim na Van ang tumigil at ibinaba ang tulalang si Connie. Pumasok ito sa bahay

at parang hindi nakita sila Fiona na naroon.

“Ate Connie, sandali,” wika ni Fiona. Sinamaan naman siya ng

tingin nito maging ang mga kasama na nagulat din sa asal ng dalaga. “Pwede ba

tayo mag-usap?” kinakabahan na sabi ni Fiona.

“Bakit? Lumayas na kayo diba? Ano pang kailangan mo pera?”

tanong nito saka dumukot sa bag ng isang bundle na tig-iisang libo at initsa sa

kaniya. Biglang hinakawan ni Fiona ang braso nito saka niyakap.

“Ate, ano ba ang nangyayari sa’yo?’ umiiyak na sabi ni Fiona.

Nagwala naman si Connie kaya hinawakan nila Niel, Mark at Jaypee.

“Bitiwan ninyo ako!” sigaw nito habang nagwawala. Pinagsisipa

ang mga lalake pero pinahiga ito at tinalian ang mga kamay at paa upang hindi

makagalaw. “Pakawalan ninyo ako! Papatayin ko kayo!” patuloy nitong sigaw.

Lumapit naman si Lola Agnes at sinuutan ito ng rosaryo sa leeg.

Patuloy ito sa pagwawala minumura nito ang matanda habang nanlilisik ang mga

mata.

“Hayop kang matanda ka! Mamatay ka na!” sigaw nito sabay dura sa

matanda. Nakaiwas naman ito kaya nilagyan nila Niel ng panyo ang bibig para

hindi makapagdura muli.

“Magdasal tayo,” ani Lola Agnes. “Sa ngalan ng Ama, ng Anak at

ng Espiritu Santo. Amen. Diyos ko tulungan niny po kami na maibalik sa katinuan

si Connie!”

Patuloy sa pagwawala si Connie. Buong lakas itong tumayo at

nagtatakbo sa labas. Hinabol naman ito nila Niel ngunit himalang may Van na

nagihihintay sa labas. Ito rin yung naghatid pauwi rito kanina.

“Ate Connie!” sigaw ni Fiona. Tinanaw na lang nila papalayo ang

Van. Nilapitan ni Haley ang kaibigan at niyakap. “Haley, paano na si ate? Hindi

natapos ang panggagamot sa kanya?” ummiyak na sabi nito.

“G-Gagawa tayo ng paraan,” sagot ni Haley kahit na ang totoo ay

hindi na rin niya alam ang gagawin.

“Hindi maganda ang aking kutob. Kinuha siya muli dahil

nakatiktik lang sa kanila ang mga kulto mukhang alam na nila ang ating ginagawa

upang mawala ang bisa ng hipnotismo sa kaniya,” ani Lola Agnes.

“Ano po ang ibig ninyo sabihin lola? May gagawin po ba silang

masama sa kapatid ko? P-Patayin na po ba siya?” halos humagulgol na sabi ni

Fiona.

Malaki ang utang na loob niya sa kapatid dahil ito ang nagparaal

sa kanya. Malaki din ang tulong nito ng mag-asawa siya hanggang sa mamatay nga

ang lalake. Ang kapatid ang tumulong sa mga gastos maging sa panganganak niya.

“Hindi pa naman pero tiyak ay hindi na iyon uuwi rito,”

saad ni Lola Agnes.

“Saan natin hahanapin si Ate Connie?” tugon ni Fiona.

“Fiona, kilala mo ba yung mga kasama ng ate mo?” sabat ni Niel.

Umiling si Fiona.

“Hindi, kung nakikita man baka sa mukha lang hindi ko nakakausap o kilala. Palipat lipat kasi ng lugar ang trabaho ko. Si Ate Connie naman ay ganun din,” sagot nito.

“Ang mabuti pa kaya ay ipa kita natin ang picture niya sa social

media tapos gagawa kami ng video tungkol sa nangyari. Ano sa palagay ninyo?

Para matuklas kung sino ang totoong serial killer. Navideohan naman kanina yung

pagwawala niya pwede na tayo gumawa ng iba pa. At least diba kung makikita ng

mga tao at malalaman na ganun pala ay magiging aware sila,” ani Niel.

“Sige gawin natin ‘yan,” ani Fiona. “Handa ako magpainterview.”

“Saka para yung mga babaeng nakasama nila na namatay ay malamang

na pwedeng kabilang doon sa mga babaeng naialay,” ani Haley.

“Makisabat lang ha. Syempre magtataka sila paano natin nalaman

baka madamay naman tao saka ano ang proweba na maipapakita antin? Sa kaso ni

Connie pwede dahil makikita mukhang nasasapian nga eh yung mga nawalang babae?

Parang nasabi ninyo inalay hindi ba? Kung ginawa ng abo paano natin

mapapatunayan? Hanggang ngayon maraming hindi naniniwala sa mga paranormal na

ganito,” ani Mark.

“Ano kaya kung idrawing mo Mark? I-Video natin si Lola Agnes o

si Haley na iniisip ang itsura ng mga babae habang drinodrawing mo? Pati

pangalan nila. Tawagin ang kaluluwa nila. Kaya po ba ninyo iyon? Willing din

ako maging kinatawan nila kung gusto ninyo makipag-usap sa isa sa mga iyon,”

ani Jaypee.

“Payag ako. Ikaw Haley?” ani Lola Agnes.

“Opo,” sagot ni Haley. “Mabuti din siguro na makipag-usap tayosa isang kaluluwa ng naging biktima para

masabi niya ang lugar na pinagdalhan sa kanila.”

“Paano magtawag tayo ng ng isang kaluluwa ha tapos papasok kay

Jaypee habang idradrawing ni Mark. And let’s do it live,” ani Niel. Tumango ang

lahat at nag set-up. Humarap sa camera si Niel para gumawa ng into ng gagawing

vlog.