IKINALUNGKOT nang marami ang nangyari kay Kevin. Nalaman na ng buong school ang nangyari sa kaniya. Pumapasok na rin kami ngayon. Sa ngayon ay sa bahay muna tumutuloy si Kevin para mabantayan ko. Pinapabalik pa lang kasi niya ang mga dati niyang katulong sa bahay niya. Pagdating ng mga iyon ay babayaran niya na raw ang kaniyang mga atraso sa kanila. Sinabi niyang nahihiya siya. Hindi niya man lang daw naipagtanggol ang mga katulong niya sa mama niya. Samantalang ang mga iyon daw ang araw-araw nag-aasikaso sa kaniya. Hindi man lang daw yata alam iyon ng kaniyang ina. May point din naman kasi siya roon.
Sa tuwing nakikita ng mga kamag-aral namin si Kevin, pagkamuhi ang kanilang nararamdaman para kay Fiona. Imbis daw kasi na agad gumaling si Kevin ay lalo pang lumalala ang sakit niya dahil k
