“SAAN tayo?” tanong ni Ingrid pagkakabit ng seat belt. Ilang oras siyang naghanda para maging ‘lalaki’ dahil iyon daw ang araw nang magiging ‘encounter’ nila kay Valerie at sa kung sinumang mga kasama nito. Jeans, t-shirt and jacket pa rin ang suot niya.
Sa totoo lang, hindi siya naniniwalang gusto lang kumain ng bulalo ni Valerie. Si Zeus talaga ang sinadya ng babae sa Tagaytay. Sana lang talaga, mapaniwala nila ang teenager na iyon para tigilan na si Zeus.
Sumulyap si Zeus sa wristwatch. “Sa Bag of Beans,” sagot nito. “Do’n sila magtatagal.”
“Bakit alam mo?” nagtakang tanong ni Ingrid.
“Ako’ng nagsabi sa tao ko sa farm na contact ni Valerie na sabihin kung anong oras ako nasa Bag of Beans.”
“Pero hindi lang isa ang Bag of
