Napakatahimik ng buong kabahayan sapagkat kami lang dalawa ng anak ko ang naririto ngayon.
May hindi magandang nangyari sa dalawa kong pamangkin kaya naman pareho silang dinala sa ospital kasama si Makoy.
Dalawang hindi kilalang lalaki ang sinubukan na dukutin si Light ngunit hindi naman nagtagumpay ang mga masasamang loob dahil magkasama sina Light at Erin.
Natural na hindi papayag ang panganay kong pamangkin na kunin sa kanya ang kanyang pinsan kaya lumaban ito ng pisikilan ngunit napuruhan siya ng dalawang saksak sa katawan na dahilan kung bakit siya nawalan ng malay at nalagay sa alanganin ang buhay ng muntik maubusan ng dugo.
Ganun din ang nangyari kay Makoy. Marami siyang tinamong galos at mga baling buto dahil iniharang niya ang katawan para pigilan ang paalis na kotse kung saa
