NANG sabihin ni Nicolai na pupunta sila sa Velvuto Hospital ay sinabi muna niya dito na maliligo at magbibihis muna siya. Hindi naman kasi siya pwede umalis ng mansion ng hindi nakakaligo.
At nang matapos maligo at magbihis ni Solana ay lumabas na siya ng kwarto para puntahan ang naghihintay na si Nicolai. Baka kasi bugahan na naman siya nito ng apoy dahil pinaghintay niya ito nang matagal.
Hindi naman niya nakita si Nicolai sa may living room ng mansion kaya dumiretso siya sa labas. At mula do'n ay nakita niya ito, kasama nito si Angelo.
At nakita niyang naninigarilyo si Nicolai. At mukhang napansin nito ang presensiya niya dahil lumingon ito sa gawi niya.
Saglit naman siyang nanatili sa kinatatayuan. Pero nang makita niya ang pagsasalubong ng mga kilay nito ay nag-umpisa na siya
