Eva
HALOS pabalik-balik si Eva mula sa paglalakad sa loob ng kwartong tinutuluyan sa mansion ni Nicolai. Pabalik-balik siya dahil nag-iisip siya ng paraan kung paano mapapalis sa buhay ni Nicolai si Solana.
Dahil kung mananatili pa sa tabi ni Nicolai si Solana ay tuluyan na siyang hindi magkakaroon ng pagkakataon kay Nicolai. Lalo pa at nang dumating ang babae ay pakiramdam niya ay nawawala na ng tuluyan ang atensiyon sa kanya si Nicolai. Masasayang ang pinaghirapan niya ng ilang taon para mapansin ito kung mananatili si Solana sa buhay ni Nicolai.
At kung ayaw mangyari ni Eva ay kailangan niyang gumawa ng paraan. Hindi siya nagtagumpay sa plano niya kay Solana na may kinalaman kay Rojan at dahil palpak trumabaho ang lalaki ay mukhang kailangan niyang siya mismo ang gumawa ng paraan pa
