Artemis Thaleia's Pov
"Ba't mo kaagad ipina-cremate si Tito Isaiah? Miski isang araw o gabing burol man lang ay wala---at saan ka ba pupunta, Thaleia?" Hinila ni Saffron ang braso ko para maawat ako sa pabalik-balik kong pag-alis at paglapit sa kama. Hinablot ko ang shoulder bag mula ro'n saka inilagay ang aking wallet at cellphone.
Nang mapatingin ako sa 'king repleksyon sa salamin ng dresser ay halos hindi ko na nakilala pa ang aking sarili. Ang natural kong singkit na mata ay mas lalo pang lumiit. Ang ilalim naman non ay pinamumugaran na rin ng eyebag.
"Thaleia, alam ko na mahirap 'to para sa 'yo pero nandito ako. Malalampasan mo rin 'to---,"
"Sige nga, Saff, sabihin mo sa 'kin kung paano? Wala nang natira sa 'kin! Si Mama, Iyong asawa, ko si Papa na lang, si Papa..."
