Umingos lang siya at tinalikuran ito. Sinundan naman siya ni Ethan. Marahas na pinigilan nito ang braso niya.
"Akina na ang mga susi!" angil nito na ang mga mata ay nagbabaga. Sa higpit ng hawak nito sa braso niya pakiramdam niya ay mapuputol na iyon. Pinilit niyang huwag magpakita na nasasaktan siya. Malaking tulong ang hapdi sa dibdib na nararamdaman niya dahil sa trato nito sa kanya kaya nagagawa niyang baliwalain ang physical na sakit na nararamdaman niya.
Tiningala niya ito at nginitian ng nakakaloko. Mas lalo namang nagalit si ethan. Tinaasan niya ng kilay ang asawa. Asawa... Ang sarap sanang pakinggan na ngayon ay asawa na niya si Ethan kung hindi lamang ito nagbago sa kanya.
"Wala akong susing ibibigay sa 'yo. KLung gusto mo sirain mo ang pintuan ng mga kuwarto rito." Ikiniling
