NAUNANG lumabas si Casimiro para kunin ang kotse. Naiwan sa labas ng restaurant sina Drew, Thessa, at Erica.
“Erica,” seryosong sabi ni Drew, “mukhang hindi mo pa kilala si Casimiro.”
Napatingin si Erica sa kanya. “Kuya…”
“Marami kang hindi alam sa kanya,” dugtong ni Drew. “Mukhang nagiging pabigla-bigla ka ng desisyon. Siguro dahil sa ginawa nina Mama at Papa sa’yo.”
“Kuya please,” napailing si Erica. “Hindi na ako bata.”
“I know,” sagot ni Drew. “Pero trauma makes people rush.”
“Rush?” ulit ni Erica. “You think this is rebound? Escape lang?”
“I think you’re trying to prove something,” sagot ni Drew. “To them. To yourself.”
“Mahal ko si Casimiro,” madiing sabi ni Erica. “Hindi ito tungkol kina Mama at Papa.”
“Hindi ko siya gusto,” diretsong sagot ni Drew.
“Hindi mo siya gusto da
