MULING MAGING AKIN
Chapter 39:
ARYM ZCHRYNNE “MaiMai” –
.
.
.
Lumalim na ang paghinga ni Jasper, tanda na nakatulog na siya.
Inayos ko ang kumot niya gamit ang isang kamay. Mahigpit kasi ang hawak niya sa isang kamay ko, ayaw ko naman hilahin agad baka magising.
Maya-maya pa nga ay tumunog ang cellphone ko. Nang tingnan ko ay tumatawag si Sven.
Napakagat labi ako dahil nakalimutan ko na may trabaho pa nga pala ako sa kanya.
“Hello?” Pabulong kong sabi. Tiningnan ko si Jasper dahil baka magising.
“Where are you? Sabi ni architect Lopez narito ka na raw.”
“May pinuntahan lang ako saglit. Pabalik na ako diyan. Nag kape ka na ba?”
“Hindi pa. Kaya nga hinahanap kita. Alam mo naman timpla mo lang ang gusto ko.”
“Sige na, pabalik na rin ako. Bye.”
Pinatay ko na agad ang tawag.
