"Dicentro, final na 'yon. Ikaw na ang best man ni Sebastian," sabi ko. "Napag-usapan na namin 'yon sa byahe."
"Best man, tsk. Galit nga sa akin 'yung tao."
Sandali kong binaba ang magasin na hawak ko bago humalukipkip at pagmasdan si Dice.
"Final na 'yon," ulit ko noong sumulyap siya. "Gumawa ka na lang ng paraan para matapos na 'yang away niyo."
"Never pa kaming nagkasundo."
"Edi gamitin mo 'yung pagkakataon na 'to. Maging the best best man ka sa buong mundo. Magpa-party ka kasama ang mga kaibigan niya—" "Wala siyang kaibigan," madiin niya agad na sagot.
"Anong wala? Ang dami kaya. Unahin mo sila Tati."
"Guardian niya si Tati. Hindi sila magkaibigan."
"Gano'n na rin 'yon. Aba, Dice, ikaw ang best man. Ikaw ang mag-isip." Dinampot ko na ulit 'yung magasin at kunyaring binuklat 'yon
