Bumalik sila sa silid, at nagulat si Ninay nang makita si Angelo na nakaupo sa may silya, at nanonood ng Netflix.
Naramdaman yata nito ang presensya nila dahil basta na lang ito lumingon sa kanila, at ngumiti.
"There you are," sabi ni Angelo. Agad itong tumayo, at kinuha ang bag na nasa ibabaw ng kama. "Come, nasa private ICU na si 'Tay Vincente."
Parang lutang pa ang utak ni Ninay, dahil hindi niya masundan ang sinasabi ni Angelo.
"Saglit lang, saan tayo pupunta?" tanong niya sa kay Angelo.
"Sa third floor," sabi ni Angelo, at pinagmasdan siya nang matagal. "Umiyak ka?" saad pa niton, at agad na niyakap si Ninay. "Huwag ka ng umiyak, nandito na ako," kaswal nitong sabi.
"Justin, awat na kasama ko sila Alona at Ranne," pabulong na wika ni Ninay sa pag-aakala na hindi nito napansin
