Gabi na sila nakabalik ng hospital. Tulog na din si Benjamin kaya marahan at ingat na ingat ang bawat paghakbang niya. Ayaw niyang gumawa ng ano mang ingay sa takot na baka magising niya ang mahimbing na natutulog si Benjamin.
"Sir, nandito po kanina si Doctor Anthony. Inihabilin niya po na pumunta daw kayo sa kanyang opisina bukas nang umaga. May importanteng sasabihin daw siya sa inyo."
"Sige, Badeth. Umuwi ka muna sa Merville. Ah, nasa ibaba si Edmund. Magpahatid ka na lang sa kanya."
Mukhang naunawaan ni Badeth ang nais sabihin ni Angelo.
"Lilipat po ba doon sina Ma'am Niña?"
"Oo, kapag na discharge na sina 'Tay Vicente at Benjamin doon na sila tutuloy. Kaya pakilinis nang maigi ang bawat sulok, nakakahiya sa magiging biyenan ko kapag hindi lubusang nalinis iyon. Magpatulong k
