"FLOWERS and chocolates for Miss Maureen Ariya Enriquez po?"
Napakunot-noo na naman si Maureen. Tila sunod-sunod na itong nangyari, kahit nga linggo ay may nagdi-deliver ng bulaklak at chocolates, minsan naman ay may kasama pang stuffed toys, at palaging may letter na hindi nababasa ni Maureen dahil sa pangit na sulat-kamay.
"Kuya, napaghahalata ko nang parang araw-araw na 'to ah," sabi niya sa nag-deliver. Iisang delivery man lang kasi ang naghahatid ng mga 'yon sa kaniya, magdadalawang linggo na yatang ganito mula noong birthday niya.
Hindi pa nga niya nakakakain ang chocolate noong nakaraan ngayon ay heto na naman. Halos mapuno na rin ang kaniyang kama na naroon sa bahay ni Simon de Guzman ng puro stuffed toys.
"Sino ba talagang nagpapabigay nito, Kuya?" pabirong tanong niya. "Mukha
