NARAMDAMAN ni Maureen ang galit sa asul na mga mata ni Simon de Guzman habang nakikipaglaban siya ng titigan rito. Dahan-dahan itong tumayo at ngayon ay si Maureen naman ang nakatingala rito.
Hindi niya alam kung anong dapat na maramdaman, abut-abot ang kaba sa kaniyang dibdib habang damang-dama niya ang nalalapit na panganib.
Hindi ba ito naman ang gusto niya? Ang hanapan rin ng katapusan ang kaguluhang bumabagabag sa kaniya sa mga nakaraang araw?
Hindi niya lamang pinapahalata ngunit mula noong hinalikan siya ng kaniyang boss sa balkonahe, tila hindi na siya naging payapa. Maya't-maya niya 'yon naiisip, ngunit pinipigilan niya ang sarili niyang bigyan 'yon ng kahulugan.
Inisip na lamang ni Maureen na baka dala lang 'yon ng alak na nainom ni Simon de Guzman. Ayaw niyang bigyan pa 'yon
