Kabanata 53
ROXIE
Hindi ako pinapansin ni Tita. Akala mo bahay niya `to sa kakaturo sa mga empleyadong sinama niya para ilipat ang dalawang sewing machine at mga tela galing sa bahay nina Kaiya. Parang galing pa sa Persona itong iba e.
“Paki-gilid ang mga `yan. Make sure malawak naman ang malalakaran dito sa sala. Ilagay sa free room `yong ibang tela.”
Sunod naman agad ang dalawang lalaki sa kanya. Nakapameywang pa siyang turo nang turo kung saan ilalagay ang mga ibang gamit e.
“Tita, ano ba naman `to? Paano pag uuwi sina Ate dito? Nakakahiya.”
“I bought this house from them. Wala na silang karapatan dito. Technically sa atin na `to.”
Tangina! Naging compulsive na naman siya. Siguradong nagkasagutan na naman sila ni Mama kaya nagbitaw agad ng pera e.
“So gagawin mong bodega? N
