[MARINA POV]
Ito na ang pinakahihintay nilang araw. Ang araw ng kanilang pagiisang dibdib. Ikakasal na siya kay Auston “Phoenix” Valerio.
Puno ng kaba ang kanyang dibdib. Handa na niyang itali ang kanyang sarili sa lalaking hindi pa niya lubos na kilala. Pero, ano pa ba ang magagawa niya? Ito lang ang tanging paraan na mareresolba ang kanyang napakalaking problema. Ginawa lamang nila ito para makuha na nila ang gusto nila sa isa’t isa. Na mabili na ni Phoenix ang resort at siya naman ay makuha na ang kanyang inaasam na kalayaan.
Sige lang dahil hanggang tatlong buwan lang ang duration ng kanilang pagiging magasawa. Lilipas din agad ang araw at matatapos na din itong pagpapanggap nilang dalawa. At tsaka, wala naman siyang problema kung gusto ni Phoenix na makipaghalubilo sa ibang babae.
