[MARINA POV]
Mula sa pagkain hanggang matapos ay hindi pa rin sila nagpapansinang dalawa ni Phoenix. Kahit anong kurot ng kanyang Nana sa tagiliran niya para kausapin ang binata, hindi pa rin niya o ayaw niyang kausapin ito. Bakit siya pa ang mauunang lumapit at kumausap ditto eh ito naman ang nauna. May inaasikaso lang siya sandali, nawala na agad sa mood. Trabaho din niya banatayan ang tindahan ni Nana no.
Eto din si Nana kung ano-ano ang pinagsasabi. Nagseselos daw sila sa isa’t isa?! Naiinis lang naman siya sa pinagkakagawa nito. Naiinis hindi nagseselos. Magkaiba iyon!
Umuwi na din si Nana sa bahay pagkatapos maghapunan at naiwan na lang silang dalawa. Nasa balkonahe lang siya habang nakatanaw sa buwan at dagat. Hindi niya alam saan o kung ano na ang ginagawa ngayon ni Phoenix. Par
