Chapter 59
“Wow!”
Napabalikwas ng bangon si Emily nang marinig niya ang matinis na boses ng isang babae. Naiinis niyang iniikot ang paningin upang makilala ito. Bagong mukha ang bumungad sa kanya. Hindi niya nakilala ang babae. Hindi pa niya ito nakikita. Nahihinuha niyang hindi ito mabuting tao sa paraan pa lang nang pagtitig nito sa kanya.
“What?” mataray niyang tanong sa dalaga. Papatulan niya ito at kung sakali mang may gagawin ito sa kanya, hinding-hindi siya magpapatalo. Tinaasan siya nito ng kilay dahilan upang tumaas ang kanyang blood pressure. Mukha pa lang nito ay naha-highblood na siya.
“Hmm. You look miserable,” nakangising komento ng dalaga. Tuwang-tuwa ito sa kanyang hitsura. “And dirty,” dagdag pa nitong wika.
“Psh! I may looked dirty to you,” litanya ni Emily. “I a
