"Saan ka ba nagpunta kagabi at umalis ka daw sa hotel?" Hindi man galit ang Tiya Ghing niya ay alam niyang nagtiitimpi lang ito.
"Sinet-up niyo ko kay Mr. Tan, Tiyang?"
"Anong sinet-up? Nag-offer siya ng tulong. Nasa ospital ang Inay mo, Einna. Mabuti nga nand'yan si Mr. Tan na handang tumulong."
"At ano naman ho ang kapalit?!"
"Ano naman kung gusto ka niyang mapangasawa? Nakita mo ba kung gaano kaganda ang buhay ni Sheryl ngayon sa piling ni Mr. Nakamura?! Utak ang gamitin mo, Einna Rose!"
Pumikit siya para magtimpi sa pagsagot. Kahit kailan ay hindi niya na mababali ang ganoong paniniwala ng tiyahin. Kailangan niya na talagang humiwalay ng tirahan kahit hindi pa siya naka-graduate. Patutunayan niya sa tiyahin na hindi niya kailangan ang sinumang matandang mayaman para umangat sa bu
