Problema ni Einna kinabukasan kung kanino siyang kaibigan makikihiram ng condo unit. Halos lahat ng mayayaman niyang kaklase ay meron niyon. Pero duda siya kung may isa man sa mga ito ang magpapagamit lalo na't kinaiinisan siya dahil naaakit niya ang boyfriends ng mga ito.
"Saan ka ba nanggaling kagabi at halos alas una ka na nakauwi?" Hindi naman galit ang tiyahin niya kahit hindi niya nasagot isa man sa mga tawag nito. Nagtataka rin siya. Gayunman ay ipinagpasalamat na lang niyang hindi siya nito sinesermonan ngayon.
"S-sa Antipolo ho eh. Gumawa ho kami ng feasibility report tapos gumala na rin kasi maganda 'yung overlooking view doon. Hindi ho ako nakauwi kaagad kasi iisang sasakyan lang naman ho ang gamit namin."
"O, hindi ba? Ang sabi ko sa 'yo, masarap ang maging mayaman. Kapag n
