"Ate Ivy, kanina pa may tumatawag sa 'yo. Hindi mo po ba sasagutin?" tanong ni Sabel nang pumasok sa silid niya. Kanina pa nagri-ring iyon pero hindi niya kilala ang numero kaya't wala siyang balak sagutin. Kung hindi lang naman mag-aalok ng credit card, baka kliyente na gustong dumeretso sa kanya imbes na kay Andrew. At wala pa siyang balak magtrabaho ngayong araw at sa mga susunod pa.
"Just ignore it. It will stop anyway."
"Paliliguan ko na ho si Ivan. Kayo ho ba may balak pang maligo? Pangatlong araw na ho yatang hindi nasasayaran ng shampoo 'yang buhok niyo."
Dalawang linggo na kasi niyang hindi nakakausap si Wael. Isang buwan na itong natapos operahan kaya dapat ay nakakausap niya na ito kahit sa videocall lang. Sinasagot ni Raji ang tawag niya pero marami itong dahilan pa
