Elizabeth
"Masyado ka kasing mabait Ellie, sigurado ako na iba ang pagkakaintindi ni Ericka sa nangyari. Kahit ako magtataka bakit magkasama ang Fiance ko at ang Ex-girlfriend niya," opinyon ni Maricon.
Katatapos lang niya ikwento sa mga ito ang nangyari noong nakaraang gabi. Kung hindi pa nabanggit ni Gem kanina ay wala sana siyang plano na sabihin sa mga ito. Pinagsisihan din naman niya kung bakit tinulungan pa niya si Roy.
"Hindi na ako magtataka kung one of this day ay bigla na lang susulpot ang babaeng iyon," umiiling na sabi ni Mila at napabuntong hininga siya.
"Guys, ano ba kayo kahit papaano ay may pinagsamahan naman silang dalawa kaya niya nagawa iyon. Si Ericka na ang may problema kung iba ang iisipin niya. Binanggit naman nila na nakita lang nila si Roy sa labas ng Bar,"
