"Hindi pa ba tayo uuwi?" mahinang tanong ko nang mag-angat ako ng mukha at tiningnan si Dexon.
"Gusto mo na bang umuwi ngayon?" malambing na tanong nito habang panay ang marahang haplos sa braso ko.
"Hindi pa naman, anong oras na ba?" tanong ko ulit kay Dexon dahil wala pala akong dalang relo at naiwan ko sa ibabaw ng tukador kanina ng magbihis ako.
"Almost five o'clock, we can stay here more if you want or kung may gusto ka pang puntahan, p'wede pa nating daanan bago tayo umuwi," sagot nito kaya saglit na nag-isip ako.
"Wala naman akong alam na lugar dito pero p'wede tayong maglakad-lakad kung okay lang sa iyo."
Pumayag naman si Dexon na sinabing i-explore daw namin ang buong lugar. Ang sweet niya talaga, napapansin kong attentive siya at laging nakaalalay sa akin kaya naisip ko tul
