Ngumiti sa akin si Dexon at sinabing kararating lang niya. Tumango lang ako at pakunwaring naupo sa toilet bowl.
Hinanap ng mga mata ko ang damit na hinubad ni Dexon at nang kunwari ay natapos na, sabay flush ng tubig. Mabilis ang kilos tumayo ako at dinampot ang damit ni Dexon at kunwari ay ilalagay sa laundry basket habang abala siyang naliligo.
Mabilis na binuklat ko ang puting polo-shirt na hinubad niya at para akong nakakita ng multo ng malinaw na nakita ko ang tatlong bakas ng lipstick sa kwelyo ng damit na hinubad niya.
Nanginginig ang mga kamay na nabitawan ko ang damit ni Dexon na hawak ko na kusang bumagsak sa paanan ko. Pakiramdam ko, sandaling hindi ako makahinga at nakatitig lamang dito.
Kung hindi ko pa narinig na tapos ng maligo si Dexon, hindi ako matatauhan. Mabilis
