Keyla
BINALOT ako nang kaba nang tumambad sa 'king harapan ang mukha nang lalaking kailanman ay hindi ko na inasahang makaharap pa!
Hindi ko alam kung ano ang gagawin ko ngayon, kung ano ang ipakikita ko sa kanya. Dahil sa mga oras na ito’y wala akong ibang gusto, kundi saktan siya. Wala akong ibang naisin, kundi ang sumbatan ito. Wala akong ibang maisip na gawin, dahil isa lang ang gusto ko, ang ibuhos lahat nang galit na nasa dibdib ko. Pero hindi pwede.
Hindi pwede, dahil hindi maaari na malaman niya na ako si Aila Zotore. Na ako ang babaeng niloko't pinaasa niya. Na ako ang babae na sinaktan at pinaglaruan niya. Hindi pwede, dahil hindi ko na magagawa ang nararapat, kapag nalaman niya ang totoo sa tunay kong pagkatao. Kaya ayaw ko man, ay kailangan kong panindigan ang pagiging Keyl
