Aila
PUMASOK ako sa kwarto kung saan ako pinatulog ni Yhana kagabi nang makaramdam ng pagkabagot sa kusina kung saan ako naiwang mag-isa.
Kanina pa 'ko palakad-lakad dito sa loob, habang nag-iisip ng paraan kung paano makakalabas sa bahay na ito.
Hanggang ngayon ay hindi ko matanggap. Hindi ko matanggap na na-corner ako nang ganito ni Calter.
Kung sa bagay, hindi ko na dapat ikagulat pa ang ganitong tagpo sa 'king buhay. Kailan nga ba 'ko nagkaroon ng kaibigan na hindi ako pinagtaksilan?
Talagang dapat ay wala nang pagkatiwalaan sa mundong ito. Wala, kahit isa.
Natigilan ako sa pag-iisip nang bigla kong maalala si Kuya Keen.
May kinalaman kaya siya kung bakit at paano ako natagpuan ni Calter dito?
Alam ko kung gaano sila kalapit dalawa. Kung hindi dahil sa kanya'y hindi kami ma
