Paggising ko kinaumagahan ay nagtatawanan ang pamilya ko kaya binilisan ko ang lakad papunta sa dining room. Medyo tinanghali na ako ng gising kaya madaling-madali ako na naligo at nagbihis kanina dahil pupunta pa ako sa shoot para sa magiging cover ng magazine.
Ang usapan pa naman namin ni Athena ay kailangang mas maaga kaming dumating sa mga artista na nakuha ng Fab String para maging model. Kaya lang ay tanghali na akong nagising dahil napasarap yata ang tulog ko dahil sa ginawa kong pagtataray kay Justin kagabi!
Nang naalala ko na naman iyon ay wala sa sariling napa bungisngis ako. Mukhang sadyang pumorma pa naman siya sa pagpunta dito at nagpa-gwapo ng todo pero pinagsaraduhan ko lang ng pinto!
Mas lalong lumuwang ang ngisi ko nang maalala ang itsura ni Justin kagabi. Ngiting-ngiti
