“I am going to accept the offer of Glamoure in France, Justin…” sambit ko kay Justin habang naghahanda kaming dalawa sa pagtulog.
Kahapon ko lang nakausap sina Mommy at Daddy tungkol doon kaya kanina ay kinukulit ako ni Mommy at tanong nang tanong kung sigurado na ba ako sa desisyon ko.
Ngayon na nasabi ko na sa pamilya ko ang tungkol sa pag-alis ko papuntang France ay kay Justin ko naman sinabi ang naging desisyon ko. Alam niya na noong nakaraan pa paulit-ulit na tumatawag sa akin ang CEO ng Glamoure kaya paniguradong alam niya na pinag-iisipan ko ang tungkol doon.
“When are you leaving?” tanong niya. Hindi niya inaalis ang mga mata sa binabasang magazine kung saan kaming dalawa ang cover habang nakasandal sa headboard ng kama.
“Next week will be the earliest but I am not sure about t
