Panay ang linga ko pagdating namin sa Mijares Trine kung saan ang Engineering Firm nila Justin. Tahimik pa rin siya at hindi ko alam kung kailan sasabog ang pagtitimpi niya sa akin dahil sa pamimilit kong sumama dito at tulungan siya sa trabaho.
Bumaba kami sa sasakyan at naglakad palapit sa elevator. Tahimik pa rin siya kaya patingin-tingin lang ako sa kanya para makiramdam. Hindi naman siya mukhang galit. Siguro ay marami lang rin siyang iniisip tungkol sa trabaho kaya hindi siya nagsasalita.
Nang bumaba kami sa elevator ay tatlo ang pinto na bumungad sa amin. Tuloy-tuloy ang lakad niya kaya panay lang ang sunod ko sa kanya. Lumapit siya sa pinaka dulong pinto at bubuksan na sana iyon nang agad na natigilan dahil bumukas ang elevator na pinanggalingan namin kaya sabay kaming napalingon
