Hindi mawala ang mga ngiti sa labi ni Sheena habang iniisip ang mga sinabi sa kaniya ni Andrew lalo na tuwing sasabihin nito sa kaniya na maganda siya. Parang kinikiliti ang kaniyang puso sa mga salitang iyon. Bigla siyang bumangon at sinampal ang sarili.
"Tumigil ka, Sheena!" saway niya sa sarili. "Hindi ka dapat kinikilig kay Andrew. Sadyang mabait lang iyong tao, dinidibdib mo naman masyado ang mga papuri niya. Una sa lahat, dapat hindi ka pumayag na sumama sa kaniya rito. Pero ano? Tinanggap mo pati ang trabahong inaalok niya! Wala ka man lang ni kaunting delekadesa. Ang rupok mo! Tandaan mong may kasalanan ka sa kaniyang ayaw mong pagbayaran. Nandito ka para kay Aiden, dahil gusto mong kahit papaano maranasan nito ang magkaroon ng isang ama. Para kay Aiden. Isaksak mo sa utak iyan, S
