Tuluyan nang kinalimutan ni Patricia ang kaniyang meeting. And she brought the woman to her home. Pagkadating na pagkadating nila sa bahay, kaagad niyang binigyan ng tubig ang babae.
"Are you sure ayaw mong dalhin kita sa ospital?" nag-aalalang tanong niya sa babae.
"Okay na ako rito," tugon ni Sheena. "Hindi na niya ako masusundan dito."
"Sino ba ang humahabol sa iyo? Gusto ka niyang patayin. Iyon ang sabi mo sa akin, 'di ba? Ibig sabihin, kailangan natin ng tulong ng mga pulis. Tatawag ako." Akmang dadamputin ni Patricia ang kaniyang cellphone, ngunit pinigilan ito ni Sheena.
"Huwag!" anang dalaga. "Gusto ko lang makalayo sa kaniya. Ayaw ko rin siyang makulong. Naaawa pa rin ako kahit papaano."
"Bakit ka naman maaawa sa taong gusto kang patayin? Hindi siya dapat malayang nakakagala,
