Nagising ako sa isang hindi pamilyar na kwarto, nilibot ko ang tingin ko, sa itsura nito mukhang nasa basement ako. Nakakadena ang mga paa at kamay ko kaya hindi ko magawang makalapit sa pinto. Sinubukan ko itong kalasin gamit ang buong lakas ko pero hindi ko magawa dahil nanghihina ako. Ilang araw na ba akong nandito? Ramdam ko yung pagkagutom at pagkauhaw ko. Kinuha ko yung bato sa paligid at hinagis ito sa pinto para gumawa ng ingay.
Maya maya lang ay may nagbukas na ng pinto. Pumasok yung isang babae na nandoon sa party at isang lalaki na ngayon ko lang nakita.
"Mabuti naman at gising ka na. Wag ka mag alala mag iisang araw ka pa lang na nandito. Nauuhaw ka na ba?"
Naglabas yung kasama niya ng blood bag kaya mabilis akong lumapit sa kanila pero hindi ko sila naabot dahil sa kadena
